Kanal 20 TV xəbər verir ki, Azərbaycan Respublikasının xarici işlər naziri Ceyhun Bayramov ilə Türkiyə Respublikasının xarici işlər naziri Hakan Fidan arasında telefon danışığı həyata keçirilib.

Azərbaycan Xarici İşlər Nazirliyindən Manset.az-a verilən məlumata görə, danışıq zamanı Azərbaycan-Türkiyə müttəfiqlik münasibətləri, regional və beynəlxalq təşkilatlar çərçivəsində əməkdaşlıq və regionda təhlükəsizlik vəziyyəti müzakirə olunub.

Nazirlər, iki qardaş ölkə arasında mütəmadi və əlaqələndirilmiş fəaliyyətin davam etdirilməsindən məmnunluq ifadə ediblər.