Kanal 20 TV xəbər verir ki, ABŞ sülh prosesinin məntiqi və davamlı nəticə ilə yekunlaşması üçün Ermənistan və Azərbaycanla əməkdaşlığını davam etdirir.

“Report”un Ermənistan mediasına istinadən yaydığı məlumata görə, bu barədə ABŞ-nin Ermənistandakı səfiri Kristina Kuinn açıqlama verib.

Diplomat bildirib ki, Vaşinqton yalnız Ermənistan və Azərbaycanla deyil, eyni zamanda regiondakı digər tərəfdaşlarla da sıx işləməkdə qərarlıdır. Onun sözlərinə görə, atılan bütün addımlar konkret məqsədə xidmət etməli və nəticə etibarilə hər iki ölkə üçün ədalətli, dayanıqlı sülh və rifah yaratmalıdır.

Kristina Kuinn ABŞ-nin vasitəçilik səylərinin Cənubi Qafqaz üçün yeni və ümidverici mərhələnin başlanğıcı olacağına inandığını da vurğulayıb.