Kanal 20 TV Fransa Prezidenti Emmanuel Makronun rəsmi X sosial şəbəkəsi hesabına istinadən xəbər verir ki, bu gün Makron Suriya Prezidenti Əhməd Əl-Çaraa ilə bu səhər keçirdiyi telefon danışığı barədə paylaşım edib.

Makron bildirib ki, Suriya böhranının dərinləşməsi və rəsmi Dəməşqin hücumlarının davam etməsi ilə bağlı ciddi narahatlıq ifadə edib. O, vurğulayıb ki, bölgədə daimi atəşkəsə nail olmaq zəruridir və bununla bağlı siyasi çərçivənin tapılması vacibdir.

Fransa Prezidenti qeyd edib ki, keçən mart ayında aparılan müzakirələr əsasında Suriya Demokratik Qüvvələrinin (SDQ) Suriya dövlətinə inteqrasiyası üzrə razılaşma əldə edilməli və bununla ölkənin vahidliyi və sabitliyi təmin olunmalıdır.

Makronun paylaşımı bu fikirlərlə bitir: “Suriya üçün davamlı sülh və gələcək nəsillərin təhlükəsizliyi üçün hərtərəfli həll yollarını birgə axtarmalıyıq.”