Rusiya nümayəndə heyəti bu gün axşam Rusiya və Ukrayna arasında danışıqların üçüncü raundunun keçiriləcəyi İstanbula yola düşüb.

“Report” Rusiya mətbuatına istinadən xəbər verir ki, bunu ölkə Prezidentinin mətbuat katibi Dmitri Peskov jurnalistlərə bildirib.

"Nümayəndə heyətimiz həqiqətən İstanbula yola düşüb və bu gün axşam orada danışıqlar planlaşdırılıb, bu, Rusiya və Ukrayna arasında birbaşa danışıqların üçüncü raundu olacaq", - o deyib.

İstanbulda danışıqların ikinci raundu zamanı mübadilə edilmiş memorandum layihələri ilə bağlı məsələlər, həmçinin hərbi əsirlər və həlak olanların meyiitlərinin mübadiləsi prosesi müzakirə olunacaq.

09.26
Bu gün Türkiyənin İstanbul şəhərində Ukrayna ilə Rusiya arasındakı danışıqların üçüncü turu keçiriləcək.

“Report” xəbər verir ki, məlumatı “TRT Haber” yayıb.

Məlumata görə, Ukraynanın nümayəndə heyətinə Milli Təhlükəsizlik və Müdafiə Şurasının Katibi Rüstəm Umerov, Rusiya təmsilçilərinə isə Rusiya Prezidentinin köməkçisi Vladimir Medinski başçılıq edəcək.

Görüşlərin gündəliyində əsirlərin azad edilməsi, qaçırılan uşaqların geri qaytarılması və qətllərin dayandırılması kimi məsələlər var.

Xatırladaq ki, Ukrayna və Rusiya son beş ay ərzində İstanbulda iki tur danışıq keçirib. İyunun 2-də keçirilən son görüşdə əsir mübadiləsi mövzusunda mühüm sazişlərə nail olunmuşdu.