Kanal 20 TV Anadolu Ajansı agentliyinə istinadən xəbər verir ki, Suriyada fəaliyyət göstərən tayfa qüvvələri Deyr əz-Zor vilayətində terror təşkilatı YPG/SDG-nin nəzarətində olan ərazilərin böyük hissəsini geri alıb.

Məlumata görə, Fərat çayının qərb sahilində yerləşən tayfalarla çayın şərq tərəfindəki tayfaların dünən axşam saatlarında başlatdığı silahlı hərəkətlilik hazırda da davam edir.

Tayfa qüvvələri Fəratın şərqində yerləşən strateji əhəmiyyətə malik Ömər neft yatağı və Kuniko qaz sahəsini nəzarətə götürüb.

Bununla yanaşı, tayfa qüvvələri vilayətin cənub və mərkəzi hissələrində nəzarəti təmin edərək irəliləyişini Rakka və Həsəkə istiqamətində genişləndirib.

Hadisələrlə bağlı YPG/SDG tərəfindən hələlik rəsmi açıqlama verilməyib.