Pakistanın Baş naziri Şahbaz Şərif ABŞ Prezidenti Donald Trampdan Qəzza sektorunun idarə olunması üçün yaradılması planlaşdırılan Sülh Şurasında iştirakla bağlı təklif alıb.

Kanal 20 TV xəbər verir ki, bu barədə Pakistan Xarici İşlər Nazirliyi məlumat yayıb. Nazirliyin bəyanatında qeyd olunub ki, Pakistan BMT-nin qətnamələrinə uyğun olaraq Fələstin probleminin uzunmüddətli və ədalətli həllinə yönəlmiş beynəlxalq səylərdə iştirakını davam etdirəcək.

Açıqlamada həmçinin vurğulanıb ki, İslamabad Qəzza sektorunda sülhün və təhlükəsizliyin təmin olunmasına töhfə verməyə hazırdır.