Azərbaycan Prezidenti İlham Əliyev fevralın 14-də Münxendə Bundestaqın xarici siyasət komitəsinin sədri Armin Laşetlə görüş keçirib.

Kanal 20 TV xəbər verir ki, görüş zamanı Armin Laşet Azərbaycan və Ermənistan arasında sülh gündəliyinin irəliləməsi ilə bağlı Vaşinqtonda əldə olunan nəticələr münasibətilə Prezident İlham Əliyevi təbrik edib. Dövlət başçısı isə təşəkkür edərək sülhün regionun inkişafı üçün vacib olduğunu vurğulayıb.

Tərəflər Azərbaycan-Almaniya əlaqələrinin siyasi, iqtisadi, enerji və digər sahələrdə inkişafını qeyd edib, Avropanın enerji təhlükəsizliyində Azərbaycanın roluna toxunublar.

Görüşdə həmçinin parlamentlərarası əməkdaşlıq və Azərbaycanın dinlərarası dialoq sahəsindəki təşəbbüsləri müzakirə olunub.