Azərbaycan Dövlət Akademik Rus Dram Teatrında rəhbərlik dəyişikliyi baş verib. Teatrın direktoru, Əməkdar mədəniyyət işçisi Ədalət Hacıyev tutduğu vəzifədən azad olunub.

Kanal 20 TV xəbər verir ki, bu barədə mədəniyyət naziri Adil Kərimli müvafiq əmr imzalayıb.

Nazirin digər əmrinə əsasən, teatrın yeni direktoru vəzifəsinə Əməkdar artist Oleq Əmirbəyov təyin edilib. Qeyd olunur ki, Oleq Əmirbəyov bu təyinata qədər Mədəniyyət Nazirliyində nazirin müşaviri kimi fəaliyyət göstərib.

Xatırladaq ki, vəzifəsindən azad olunan Ədalət Hacıyev Xalq artisti Brilliant Dadaşovanın həyat yoldaşıdır. Cütlüyün bir övladı var.