Kanal 20 TV xəbər verir ki, Misli Premyer Liqasının XX turu çərçivəsində oyunlar davam edir.

Turun açılış matçında "Qarabağ" komandası Quba Olimpiya İdman Kompleksində "İmişli" ilə üz-üzə gəlib. Görüş Ağdam klubunun 1:0 hesablı qələbəsi ilə başa çatıb. Yeganə qol 79-cu dəqiqədə Musa Qurbanlı tərəfindən vurulub.

Bu nəticədən sonra turnir cədvəlinin ikinci pilləsində qərarlaşan "Qarabağ"ın xalı 45-ə çatıb. "İmişli" isə 19 xalla doqquzuncu sırada qalır.

Turun digər qarşılaşması isə Zirə İdman Kompleksində baş tutacaq. "Zirə" öz meydanında "Karvan-Yevlax" komandası ilə qarşılaşacaq.