Prezident İlham Əliyev Əmək Məcəlləsinə edilmiş dəyişikliklərin tətbiqi barədə Fərman imzalayıb. Dəyişikliklər pedaqoji işçilərə əmək məzuniyyətinin verilməsi qaydasına da aiddir.

Kanal 20 TV-nin məlumatına görə, yeniliyə əsasən bilavasitə təlim-tədris prosesində iştirak edən pedaqoji işçilərə əmək məzuniyyəti əvvəlki kimi yalnız məktəblərdə yay tətili dövründə deyil, alternativ olaraq işəgötürənin razılığı ilə tədris ili ərzində də verilə biləcək.

Qeyd edək ki, indiyədək bu kateqoriyaya aid olan pedaqoji işçilərin əmək məzuniyyətləri, işə qəbul olunduqları vaxtdan asılı olmayaraq, əsasən məktəblərdə yay tətili dövrünə təsadüf edirdi.

Yeni dəyişiklik pedaqoji işçilər üçün məzuniyyət vaxtının daha çevik şəkildə tənzimlənməsinə imkan yaradır.