Prezident İlham Əliyev fevralın 13-də Münxen şəhərində Slovakiya Respublikasının Baş nazirinin müavini və müdafiə naziri Robert Kalinak ilə görüş keçirib.

Kanal 20 TV xəbər verir ki, görüş zamanı dövlət başçısının ötən ilin dekabrında Slovakiyaya etdiyi rəsmi səfər məmnunluqla xatırlanıb. Tərəflər yüksək səviyyəli qarşılıqlı səfərlərin Azərbaycan-Slovakiya əlaqələrinin inkişafına mühüm töhfə verdiyini vurğulayıblar.

Söhbət zamanı iki ölkə arasında münasibətlərin strateji tərəfdaşlıq xarakteri daşıdığı qeyd olunub. Qarşılıqlı anlaşma və dəstəyə əsaslanan ikitərəfli əməkdaşlığın müxtəlif sahələrdə daha da genişləndirilməsi üçün böyük imkanların mövcud olduğu bildirilib.

Görüşdə xüsusilə hərbi-texniki sahədə tərəfdaşlığın inkişafından məmnunluq ifadə olunub, bu istiqamətdə əməkdaşlığın gələcək perspektivləri ətrafında fikir mübadiləsi aparılıb.