Bakıda gecə saatlarından başlayan güclü külək paytaxt və ətraf ərazilərdə ciddi fəsadlara səbəb olub.

Reportun verdiyi məlumata görə, Binəqədi rayonunun Biləcəri qəsəbəsində, Əhməd Qasımov küçəsində iri gövdəli ağac qırılaraq yüksək gərginlikli elektrik xəttinin üzərinə aşıb. Hadisə nəticəsində yaxınlıqdakı yaşayış evlərinə və bir avtomobilə ziyan dəyib.

Qırılan ağac küçədə sakinlərin hərəkətinə mane olub, ərazidə elektrik enerjisinin verilişində fasilə yaranıb. Nəticədə ətrafdakı evlər işıqsız qalıb.

Hadisə yerinə aidiyyəti qurumların əməkdaşları cəlb olunub, ərazidə təhlükəsizlik tədbirləri görülür.