Kanal 20 TV xəbər verir ki, dünya bazarlarında “Azeri Light” (CIF) markalı Azərbaycan neftinin qiyməti düşüb. Belə ki, 1 barel neftin qiyməti 2,17 ABŞ dolları və ya 3 % azalaraq 70,03 ABŞ dollarına enib.

Qeyd edək ki, ötən gün Azərbaycan neftinin bir bareli 72,2 ABŞ dollarından ticarət edilib.

Tarixi göstəricilərə nəzər salsaq, “Azeri Light” neftinin ən aşağı qiyməti 2020-ci il aprelin 21-də 15,81 ABŞ dolları, ən yüksək qiyməti isə 2008-ci ilin iyulunda 149,66 ABŞ dolları olub.

Builki dövlət büdcəsində isə “Azeri Light” neftinin bir barelinin orta qiyməti 65 ABŞ dolları əsasında hesablanıb.