Ukrayna Prezidenti Volodimir Zelenski yenidən prezident seçkilərində iştirak edib-etməməsi ilə bağlı açıqlama verib.

Kanal 20 TV xəbər verir ki, Zelenski bu barədə Çexiya radiosuna verdiyi müsahibədə bildirib:

"Bilmirəm. Bu, müharibənin necə bitəcəyindən asılıdır."

Ukrayna lideri əlavə edib ki, bəzən yenidən namizədliyini irəli sürmək barədə düşündüyünü qeyd edir.

Qeyd edək ki, Ukraynada 2024-cü ilin martına təyin olunmuş prezident seçkiləri mövcud hərbi vəziyyət səbəbindən qeyri-müəyyən müddətə təxirə salınıb. Zelenski vurğulayıb ki, ölkə texniki cəhətdən seçkiləri keçirməyə hazırdır, lakin bu yalnız hərbi əməliyyatlar bitdikdən və ya etibarlı təhlükəsizlik zəmanətləri təmin olunduqdan sonra mümkündür.