Kanal 20 TV xəbər verir ki, Almaniyanın “Ayntraxt” klubunun yeni baş məşqçisi müəyyənləşib. Klubun mətbuat xidmətinin yaydığı məlumata görə, Frankfurt təmsilçisinin sükanı arxası Albert Rieraya həvalə olunub.

43 yaşlı ispaniyalı mütəxəssislə 2028-ci ilin yayına qədər nəzərdə tutulan uzunmüddətli müqavilə imzalanıb. Riera bu posta qədər Sloveniya təmsilçisi “Selye”ni çalışdırıb və həmin komanda ilə ölkə kubokunu qazanmağa nail olub.

Hazırda “Ayntraxt” Almaniya Bundesliqasında 19 turdan sonra 27 xalla turnir cədvəlinin 8-ci pilləsində qərarlaşıb.

Qeyd edək ki, Albert Riera baş məşqçi postunda Dino Topmölleri əvəzləyib.