UEFA Çempionlar Liqasının pley-off mərhələsində İngiltərənin “Nyukasl” klubu ilə qarşılaşacaq “Qarabağ” komandası iştirak ərizəsində dəyişiklik edib.

Kanal 20 TV xəbər verir ki, Ağdam təmsilçisinin mətbuat xidmətinin məlumatına əsasən, klubun siyahısından Kris Kuakunun adı çıxarılıb və onun yerinə Kadi Borges daxil edilib.

Qeyd edək ki, “Qarabağ”ın yeni transferlərindən Jeremi Qnali isə Çempionlar Liqası üçün təqdim olunan heyətdə yer almayıb.

“Qarabağ” – “Nyukasl” qarşılaşmasının ilk oyunu fevralın 18-də saat 21:45-də Bakıda keçiriləcək. Cavab görüşü isə fevralın 24-dən 25-nə keçən gecə saat 00:00-da İngiltərədə baş tutacaq.

Xatırladaq ki, Kadi Borges noyabr ayında zədələndiyi üçün iştirak ərizəsindən kənarda qalmışdı.