Qəzzanın bərpası ilə bağlı beynəlxalq səviyyədə müəyyən addımlar atılsa da, bölgədə vəziyyət hələ də ağır olaraq qalır.

“The Economist” nəşrinin yazdığına görə, ABŞ Prezidenti Donald Trampın təşəbbüsü ilə yaradılan “Sülh Şurası” Qəzza zolağının idarə olunması üçün HƏMAS-ın yerinə yeni texnokratlardan ibarət panel təyin edib. Bu qurum “Qəzzanın İdarəolunması üzrə Milli Komitə” (NCAG) adlanır.

Kanal 20 TV xəbər verir ki, Davosda keçirilən Dünya İqtisadi Forumunda Trampın kürəkəni Jared Kuşner Qəzzanın yenidən qurulması üçün parlaq və iddialı bir plan təqdim edib. Plan çərçivəsində Qəzza sahilində müasir bulvar və infrastrukturların yaradılması nəzərdə tutulur.

Nəşr bildirir ki, İsrail bütün girovları – həm sağ, həm də həyatını itirmiş şəxsləri geri qaytarıb. Bu isə Trampın sülh planının ikinci mərhələsi olan yenidənqurma prosesinə keçid üçün zəmin yaradıb.

Fevralın 2-də isə Misirlə sərhəddə yerləşən və 2024-cü ilin mayından bəri əsasən bağlı olan Rəfah sərhəd keçidi yenidən açılıb. Lakin məqalədə qeyd olunur ki, keçidin açılması Qəzzaya yalnız “acıqlı və çox məhdud” fayda gətirib.

Ekspertlər vurğulayır ki, bölgədə texnokrat idarəçiliyi ilə bağlı planlar hələ də qeyri-müəyyən olaraq qalır və Qəzza üçün real bərpa prosesi ciddi çətinliklərlə üzləşir.