ABŞ Prezidenti Donald Trampın göstərişi ilə bu gün ABŞ Ukrayna və Rusiya arasında üçüncü dəfə trilateral müzakirələrə moderatoluq edib. Görüşlər İsveçrədə baş tutub.

Kanal 20 TV xəbər verir ki, ABŞ tərəfi bugünkü toplantılara ev sahibliyi etdiyi üçün İsveçrə Konfederasiyasına təşəkkür edib.

Bəyanatda bildirilib ki, Prezident Trampın münaqişənin tərəflərini bir masa arxasına gətirməkdə əldə etdiyi uğur müharibənin dayandırılması istiqamətində mühüm irəliləyişlərə səbəb olub.

Qeyd olunub ki, ABŞ rəhbərliyi bu dəhşətli münaqişədə qətllərin qarşısını almaq məqsədilə Trampın liderliyi altında çalışmaqdan qürur duyur.

Tərəflər öz rəhbərlərinə son məlumatları çatdırmaq və razılaşma istiqamətində işi davam etdirmək barədə razılığa gəliblər.