Kanal 20 TV xəbər verir ki, Azərbaycan Dövlət Gömrük Komitəsinin bir sıra yüksəkvəzifəli əməkdaşlarına ali xüsusi rütbələr verilib.

Bununla bağlı Azərbaycan Respublikasının Prezidenti İlham Əliyev müvafiq Sərəncam imzalayıb.

Sərəncama əsasən, Şahin Soltan oğlu Bağırov – Azərbaycan Respublikası Dövlət Gömrük Komitəsinin sədri “Gömrük xidməti general-polkovniki” ali xüsusi rütbəsinə layiq görülüb.

Bundan əlavə, aşağıdakı şəxslərə “Gömrük xidməti general-mayoru” ali xüsusi rütbəsi verilib:

Fuad Elxan oğlu Məmmədov – Azərbaycan Respublikası Dövlət Gömrük Komitəsi sədrinin müavini

Fuad Mikayıl oğlu Aslanov – Rəqəmsal İdarəetmə Baş İdarəsinin rəisi

Elmir Bahadur oğlu Ramazanov – Bakı Baş Gömrük İdarəsinin rəisi

Qeyd edək ki, bu rütbələr Dövlət Gömrük Komitəsi əməkdaşlarının xidmət fəaliyyətində fərqlənməsinə və peşəkarlığına verilən yüksək qiymətin göstəricisidir.