Azərbaycan futbolunun flaqmanı “Qarabağ” UEFA Çempionlar Liqasında növbəti mərhələyə yüksəlib. Ağdam təmsilçisi pley-off mərhələsinə vəsiqə qazanmaqla avrokuboklarda tarixi uğurunu davam etdirir.

Kanal 20 TV xəbər verir ki, pley-off mərhələsinin ilk oyunları 17 və 18 fevral, cavab qarşılaşmaları isə 24 və 25 fevral 2026-cı il tarixlərində keçiriləcək.

Artıq “Qarabağ”ın bu mərhələdəki potensial rəqibləri də məlumdur. Qurban Qurbanovun komandası pley-offda ya Fransa nəhəngi PSJ, ya da İngiltərənin “Nyukasl” klubu ilə üz-üzə gələcək.

Qeyd edək ki, pley-off mərhələsinin püşkatma mərasimi UEFA tərəfindən yaxın günlərdə keçiriləcək və “Qarabağ”ın dəqiq rəqibi həmin vaxt bəlli olacaq.