Rusiyanın “Rosatom” Dövlət Korporasiyasının baş direktoru Aleksey Lixaçev Ermənistan Respublikası Milli Məclisinin sədri Alen Simonyanla görüş keçirib.

Kanal20TV xəbər verir ki, bu barədə “Rosatom”un mətbuat xidməti məlumat yayıb.

Görüş zamanı Aleksey Lixaçev Ermənistan Atom Elektrik Stansiyasının istismar müddətinin iki dəfə artırılması istiqamətində aparılan işlərin gedişi barədə danışıb.

Bununla yanaşı, tərəflər Ermənistanda gələcəkdə yeni nüvə enerji bloklarının tikintisi məsələsini də ətraflı şəkildə müzakirə ediblər.