“TikTok” sosial şəbəkəsində canlı yayım zamanı cəmiyyətə qarşı hörmətsizlik edən şəxs polis əməkdaşları tərəfindən saxlanılıb.

Kanal 20 TV xəbər verir ki, APA-nın məlumatına görə, Zəngilan rayon sakini, 1984-cü il təvəllüdlü Habil Həsənov dostuna məxsus “Məmmədov Səmiyyədin” adlı səhifədə açılan canlı yayımda izləyicilərin ünvanına təhqiramiz və qeyri-etik ifadələr işlədib.

Faktla bağlı H.Həsənov barəsində İnzibati Xətalar Məcəlləsinin müvafiq maddəsi üzrə protokol tərtib olunaraq baxılması üçün məhkəməyə göndərilib. Məhkəmənin qərarına əsasən, o, 15 sutka müddətinə inzibati qaydada həbs edilib.