Futbol üzrə Azərbaycan Kubokunda 1/4 final mərhələsinin növbəti qarşılaşmaları bu gün baş tutacaq.

Kanal 20 TV xəbər verir ki, günün ilk matçında “Qarabağ” səfərdə “Şamaxı”nın qonağı olacaq. Qarşılaşma Şamaxı şəhər stadionunda saat 14:30-da start götürəcək. Bu cütün qalibi yarımfinalda “Sabah” – “Qəbələ” duelinin güclüsü ilə üz-üzə gələcək. Həmin komandaların ilk oyunu 0:0 hesabı ilə yekunlaşıb.

Günün ikinci görüşü isə saat 19:00-da keçiriləcək. “Turan Tovuz” komandası “Azərsun Arena”da “Kəpəz”lə qarşılaşacaq. Bu matçın qalibi növbəti mərhələdə “Sumqayıt” – “Zirə” cütünün qalibi ilə qarşılaşacaq. Bu duel də ilk oyunda 0:0 hesabı ilə başa çatıb.

Azərbaycan Kuboku

1/4 final mərhələsi, ilk oyunlar

5 fevral

14:30 — “Şamaxı” – “Qarabağ”

Hakim: Kamranbəy Rəhimov

VAR: Rauf Cabarov

Stadion: Şamaxı şəhər stadionu

19:00 — “Turan Tovuz” – “Kəpəz”

Hakim: Əli Əliyev

VAR: Rəvan Həmzəzadə

Stadion: “Azərsun Arena”

Qeyd edək ki, 1/4 final mərhələsinin cavab görüşləri mart ayının əvvəlində keçiriləcək.