İtalyan məşqçi Luciano Spalletti “Qalatasaray”ın ulduz hücumçusu Mauro İcardi ilə bağlı yayılan transfer xəbərlərinə münasibət bildirib.

Kanal 20 TV xəbər verir ki, xarici mediaya danışan Spalletti İcardi haqqında yalnız müsbət fikirlər səsləndirsə də, bunun transfer anlamına gəlmədiyini vurğulayıb.

“İcardi haqqında yalnız müsbət şeylər deyə bilərəm, amma bu, onun transfer ediləcəyini göstərmir”, – deyə italiyalı mütəxəssis bildirib.

Baş məşqçi “Parma” ilə oyundan sonra verdiyi açıqlamada bunları da əlavə edib:

“İcardi barədə yalnız yaxşı fikirlərim var. O, çox yaxşı bir insan və möhtəşəm hücumçudur. Lakin biz onu transfer etmək istəmirik”.

Luciano Spalletti bu açıqlaması ilə Mauro İcardinin “Yuventus”a keçidi ilə bağlı son günlər mətbuatda yer alan iddiaları təkzib etmiş olub.