Kanal 20 TV xəbər verir ki, bir çox insan filmlərdə gördüyü kimi düşüncələri oxumağı fövqəlbacarıq hesab edir. Lakin psixoloqlar bildirirlər ki, insanın nə düşündüyünü anlamaq üçün sehrə ehtiyac yoxdur. Bunun üçün diqqəti sözlərə deyil, insanın qeyri-iradi reaksiyalarına yönəltmək kifayətdir.

Mütəxəssislərin sözlərinə görə, illərdir yüksək dəqiqliklə işləyən “gözləntilərin əks olunması” metodu insanın mövzuya münasibətini üz ifadəsi və bədən dili vasitəsilə müəyyən etməyə imkan verir.

Metodun mahiyyəti ondan ibarətdir ki, insan bir suala cavab vermədən əvvəl üz ifadəsi ilə reaksiyasını göstərir. Göz əzələləri, dodaq küncləri, qaşlar kimi mikroifadələr saniyənin çox kiçik hissəsində baş verir və insanın həqiqi emosiyasını üzə çıxarır.

Məsələn:

Həmsöhbət cavabı düşünərkən baxışlarını yayındırır.

Dodaqlarını sıxırsa, razılaşmadığını gizlədir.

Fasilədən sonra gülümsəmə yalnız sosial gülümsəmədirsə, səmimi deyil.

Bədən dili də əhəmiyyətli göstəricidir. Mövzu insanın xoşuna gəlmirsə, o, geriyə çəkilir; maraqlı olduqda isə önə doğru əyilir. Göz qırpma tezliyi həyəcan və ya diqqətin ölçüsünü göstərir.

Psixoloqlar vurğulayır ki, bu üsul insanın düşüncələrini tam dəqiqliklə açıqlamasa da, onların hansı istiqamətdə getdiyini anlamağa kömək edir. Metod əsasən danışıqlar aparan mütəxəssislər və istintaqçılar tərəfindən istifadə olunur.

Ekspertlər onu da xatırladır ki, mikroifadələrin müşahidəsi manipulyasiya üçün deyil, qarşı tərəfi daha yaxşı anlamaq üçün tətbiq olunmalıdır. Bu bacarıq inkişaf etdikcə ünsiyyət daha aydın və səmimi olur.