Kanal 20 TV xəbər verir ki, fevralın 3-də Mədəniyyət Nazirliyində mədəniyyət naziri Adil Kərimlinin iştirakı ilə musiqi və incəsənət məktəb və mərkəzlərində çalışan müəllimlərin attestasiyasına həsr olunmuş iclas baş tutub.

Nazir Adil Kərimli çıxışında bildirib ki, attestasiya prosesi müəllimlərin peşə hazırlığının, səriştə və bacarıqlarının qiymətləndirilməsi, eləcə də tutduqları vəzifələrə uyğunluğunun müəyyənləşdirilməsi məqsədi daşıyır.

Onun sözlərinə görə, qanunvericiliyin tələblərinə əsasən, şəffaflıq və obyektivlik prinsipləri ilə həyata keçirilən attestasiya cari il ərzində ölkənin bütün bölgələrini əhatə edəcək və prosesin il sonunadək yekunlaşması nəzərdə tutulur.

İclas zamanı attestasiya komissiyalarının üzvləri və mədəniyyət sahəsinin nümayəndələri çıxış edərək bu prosesin əhəmiyyətini vurğulayıb, attestasiyanın uğurla başa çatacağına dair əminliklərini ifadə ediblər.