Kanal 20 TV xəbər verir ki, bu gün Azərbaycanın tanınmış sənətkarı, Xalq artisti Polad Bülbüloğlunun doğum günüdür.

Bənzərsiz ifası ilə estrada sənətimizi zənginləşdirən Polad Bülbüloğlu təkcə müğənni kimi deyil, həm də məşhur bəstəkar kimi geniş şöhrət qazanıb. Onun müəllifi olduğu “Gəl, ey səhər”, “Doğma diyar”, “Durnalar”, “Bayatılar”, “Bakı”, “Məni gözlə”, “Bənövşələr” və digər nəğmələr Azərbaycan estrada musiqisinin parlaq inciləri hesab olunur.

Bu mahnılar bu gün də dinləyicilər tərəfindən böyük sevgi ilə qarşılanır və milli musiqi irsimizin dəyərli nümunələri kimi yaşayır.

Polad Bülbüloğlunu doğum günü münasibətilə təbrik edir, ona uzun ömür və yeni yaradıcılıq uğurları arzulayırıq.